Bitcoin Cash BCH

Ano ang Bitcoin Cash?

Ang Bitcoin Cash (BCH) ay isang radikal na pagbabago o hard fork (isang pinagana sa komunidad na update sa protokol o code) ng orihinal na Bitcoin blockchain. Ang pagbabagong ito sa protokol o (fork) ay naganap noong Agosto 1, 2017, na may layunin na i-update ang block size sa 8 MB. Noong Nobyembre 16, 2018, dumaan sa radikal na pagbabago hard forked sa pangalawang pagkakataon ang BCH at nahati sa Bitcoin SV (Satoshi's Vision) at Bitcoin ABC. Ang Bitcoin ABC ay naging ang dominanteng chain at pinalitan ang BCH ticker, dahil sa mas higit nitong hashpower at pagkakaroon ng mayorya ng nodes sa network.

Ang pinaka-kamakailan na halving (ang halving ay ang proseso ng paghahati ng rewards sa pagmimina ng bitcoin) ng Bitcoin Cash ay noong Abril 8, 2020, noong ang block reward nito ay binawasan sa 6.25, sa halip na 12.5.

Ano ang pagkakaiba ng Bitcoin at Bitcoin Cash?

Ang nadagdagang block size ng Bitcoin Cash ay nilayon na gawing mas mahusay ang pagganap ng teknolohiya at makapagproseso ng mas maraming transaksyon kada segundo, na sinsuportahan ang paggamit ng cryptocurrency bilang isang pamamaraan ng pagbabayad, kaysa bilang isang nakatabing asset na may kahalagahan sa hinaharap (store of value). Bilang panuntunan, ang mga bayarin sa transaksyon ng Bitcoin Cash ay mas mababa sa pangkalahatan kaysa sa Bitcoin.

Ang Bitcoin Cash fork ay dahil sa isang argumento sa pagitan ng mga paksyon ng Bitcoin tungkol sa kung ang cryptocurrency ay nangangailangan na dagdagan ang sukat ng block nito. Ang argumentong ito ay batay sa ideya na ang oras sa pagproseso ng transaksyon ng Bitcoin ay masyadong mabagal para mapahintulutan man lang ang kinakailangang scaling upang palitan ang tradisyunal na sistema ng pagbabayad tulad ng Visa at Mastercard. Habang ang Bitcoin blocks ay 1MB at kayang magproseso ng 2 hanggang 7 transaksyon kada segundo, ang VISA ay nakapagpoproseso ng nasa 1,700 transaksyon kada segundo.

Ang 2017 na radikal na pagbabago o hard fork pagdating sa laki ng block ay pinagtatalunan, at nangyari na nga kasunod ng pagpapakilala ng ideya ng SegWit2x, isang ikalawang layer na solusyon sa scaling. Ang isang bahagi ng mga tagapagmina at tagapagbuo ng Bitcoin ay tutol sa solusyon dahil A. sila ay nagiisip na maaaring maging sanhi ito ng sentralisasyon ng Bitcoin network B. wala silang malinaw na plano sa pagpapatupad at C. hindi ito sumunod sa orihinal na pananaw ni Satoshi Nakamoto para sa digital currency (sa kanilang opinyon).

Ang tagapagmanupaktura ng mining hardware na Bitmain ay orihinal na inilarawan ang pagbabago o fork ng Bitcoin noong Hunyo 2017 bilang isang "contingency plan" (isang plano para sa mga hindi inaasahang pangyayari) kung tinanggap ang SegWit dahil sa hindi kaya ng mga tagapagbuo at tagapagmina ng Bitcoin na magkaisang sumang-ayon sa pagpapatupad nito. Sa kalaunan, dahil sa patuloy na sigalot, ang mga tumututol sa SegWit2x (na pinangungunahan ng pinakamaugong na kalaban na si Roger Ver) ay nagsama-sama para hatiin ang Bitcoin blockchain noong Agosto 2017.

Paano Ka Bibili ng Bitcoin Cash?

Available ang Bitcoin Cash sa samu't saring crypto exchange, depende sa iyong rehiyon. Para sa pinakabagong listahan ng mga exchange at trading pair para sa cryptocurrency na ito, mag-click sa aming market pairs tab. Siguruhin na gumawa ng inyong sariling research bago pumili ng isang exchange para sa pagbili ng Bitcoin Cash.