DODO DODO

Ano ang DODO?

Ang DODO ay isang protokol ng decentralized finance (DeFi) mula sa China at tagapagbigay ng liquidity sa mismong chain na ang natatanging proactive market maker (PMM) algorithm ay naglalayong mag-alok ng mas mahusay na liquidity at katatagan ng presyo kaysa sa mga automated market maker (AMM).

Ang PMM na mekanismo sa pagpepresyo, na ginagaya ang pangangalakal ng tao, ay gumagamit ng mga oracle para mangalap ng napakatumpak na mga presyo sa merkado para sa mga asset. Pagkatapos ay magbibigay ito ng sapat na liquidity na malapit sa mga presyong ito upang patatagin ang mga portfolio ng mga liquidity provider (LP), pababain ang pagsadsad ng presyo (slippage) at labanan ang hindi permanenteng pagkalugi sa pamamagitan ng pagpapahintulot ng arbitrage trading bilang gantimpala.

Ang DODO ay nagsisilbi rin para sa mga bagong proyekto ng crypto gamit ang isang libreng pagpapalista ng ICO sa pamamagitan ng Paunang Alok ng DODO o Initial DODO Offering (IDO) na inaatasan ang mga tagapag-isyu na ideposito lamang ang kanilang sariling mga token.

Ang smart contract ng DODO ay gumagana bilang isang ERC20 token na nasa network ng Ethereum.

Sino ang mga Tagapagtatag ng DODO?

Ang DODO ay opisyal na inilunsad noong Agosto 2020, na itinatag nina Diane Dai, Radar Bear at isang walang pagkakakilanlang development team. Pauna itong nakaakit ng panimulang pamumuhunan na $600,000 na pinangunahan ng Framework Ventures.

Inanunsyo ng team noong Setyembre 2020 na matagumpay nitong nakumpleto ang isang karagdagang $5 milyong pribadong pagbebenta para sa paglikom ng pondo, na pinangunahan ng Pantera Capital, Binance Labs at Three Arrows Capital.

Ang pribadong pagbebenta ay nakaakit din ng pamumuhunan mula sa ilang iba pang mga prominenteng mamumuhunang kumpanya (mga venture capital firm), mga currency exchange at mga kumpanya sa pagte-trade na kinabibilangan ng Coinbase Ventures, Galaxy Digital, CMS Holdings at Alameda Research.

Ano ang Nagpapabukod-tangi sa DODO?

Ipinoposisyon ng DODO ang sarili nito bilang isa sa mga pinakamapagkumpitensyang tagapagbigay ng liquidity na nag-aalok ng mga napakababang bayad sa transaksyon at pagsadsad ng presyo (price slippage) sa pamamagitan ng PMM algorithm nito, na unang naisaisip noong Abril 2020.

Ipinahahayag ng team na ang kanilang PMM algorithm ay nagbibigay ng mas superyor na pagpepresyo higit pa sa kakumpitensyang AMM na Uniswap dahil sa isang mas patag na pagkurba ng presyo (price curve).

Ang PMM ay nangongolekta ng pondo malapit sa mga presyo sa merkado para makapagtatag ng sapat na liquidity, na mabilis na bumabagsak habang mas lumalayo ang presyo mula sa presyo sa merkado. Awtomatikong iniaakma ng DODO ang mga presyo sa merkado upang makaakit ng arbitrage na tutulong na panatilihing matatag ang mga portfolio ng tagapagbigay ng liquidity.

Tinitiyak nito ang mas paborableng pagpepresyo, mas mataas na paggamit ng pondo at nabawasang pagsadsad ng presyo, isahang pagkakalantad sa peligro at kawalan ng hindi permanenteng pagkalugi (ipinaliwanag dito).

Para sa mga trader, nag-aalok ang DODO ng sapat na liquidity na maikukumpara sa ginagawa ng mga sentralisadong exchange o centralized exchange (CEX), na maaaring likas na gamitin ng mga smart contract para sa mga transaksyon sa mismong chain tulad ng liquidation at mga auction. Ang mga arbitrageur (mga taong gumagawa ng sabayang pagbili at pagbebenta para kumita) ay maaari ring samantalahin ang mga pagkakaiba sa presyo sa pagitan ng DODO at iba pang mga palitan (mga exchange).

Ang mga tagapagbigay ng liquidity ay hindi inaatasan na gumawa ng minimum na deposito at hindi nililimitahan sa uri ng asset na kanilang ipinagkakaloob. Ang LP ay maaaring lumikha ng sarili nilang mga trading pair, magdeposito ng sarili nilang mga token para labanan ang peligro sa presyo at mangolekta rin ng parte ng bayad sa transaksyon ng DODO bilang mga gantimpala.

Nakakaakit din ang DODO ng mga bagong proyekto ng crypto gamit ang libreng pagpapalista bilang Initial DODO Offering (IDO). Hindi katulad ng mga protokol na AMM, ang DODO ay hindi nangangailangan ng mga quote token, at kailangan lang ng mga proyekto ng IDO na magdeposito ng sarili nilang mga token sa liquidity pool, pagkatapos nito ay lilikha naman ang PMM ng sarili nitong hiling na lalim ng presyo. Para magsimula ng IDO, kailangan lang itakda ng isang proyekto ang presyo ng oracle sa isang tapat na presyo. Napapabuti ang liquidity sa pamamagitan ng pagdedeposito ng mas marami pang quote token.

Mga Kaugnay na Page :

Matuto pa tungkol sa Uniswap (UNI).

Matuto pa tungkol sa Sushiswap (SUSHI).

Matuto pa tungkol sa Curve (CRV).

Bisitahin ang CoinMarketCap blog para sa mga trending na balita at pananaw tungkol sa blockchain.

Tingnan ang CMC calculator ng hindi permanenteng pagkalugi.

Gaano Karaming DODO (DODO) Coin ang nasa Sirkulasyon?

Ang kabuuang supply ng DODO token ay 1 bilyon (1,000,000,000). May kasalukuyang 12 milyong coin ang nasa sirkulasyon.

Ang kabuuang supply ng DODO ay ipapamahagi tulad ng sumusunod:

• 15% sa pangunahing team/mga kukuning tauhan sa hinaharap/mga tagapayo
• 16% sa mga mamumuhunan (mga investor)
• 1% sa paunang probisyon ng liquidity (IDO)
• 8% sa mga operasyon/marketing/pakikipagsosyo
• 60% sa mga insentibong pangkomunidad

Paano Sine-secure ang DODO Network?

Ang DODO ay isang desentralisadong protokol at samakatuwid ay mahirap tablan ng mga pag-atake sa sentralisadong network na umaasa sa iisang punto ng kabiguan. Ang mga smart contract ng DODO ay in-audit ng PeckShield, isang kumpanya sa seguridad ng blockchain, noong Hulyo 10, 2020. Maa-access ang ulat ng audit nito sa DODO dito.

Pakitandaan na ang mga protokol ng DeFi ay mga makabago at may mataas na peligrong proyekto at samakatuwid ay mahina pagdating sa mga coding bug at mga isyung pangseguridad na maaaring samantalahin ng mga hacker at magresulta sa pagkalugi ng pondo.

Saan Ka Makakabili ng DODO (DODO)?

Maaari na ngayong i-trade ang DODO sa mga sentralisadong exchange tulad ngMXC.com, L Bank at BiKi, pati na rin sa mga desentralisadong exchange (DEX) tulad ng Uniswap V2, Mooniswap at Dodo. Maaari mong makita ang iba pang nakalista sa aming page ng mga crypto exchange.

Gustong bumili ng mga cryptocurrency tulad ng Bitcoin at Ethereum nang direkta gamit ang credit card sa fiat currency na iyong pinili? Basahin ang gabay na ito para matutunan kung paano.